…pALaKa…

"aalis ka pa ba?" tanong ni pao.

patlang.  isang mahabang katahimikan.

"bakit mo naitanong?" sa wakas binasag na ni may ang katahimikan.

"wala naman…takot lang akong umasa.  oo sinabi ko nga noon na i-e-enjoy ko lang kung anong meron tayo ngayon.  pero di ko napigilan.  ewan ko ba.  nahulog na yata talaga ako sa iyo.  umaasa na ako na tayo na hanggang huli.  alam kong hindi dapat.  sinusubukan kong pigilin.  pero wala e."

hindi kumibo si may.  isa na namang mahabang patlang ang namagitan sa usapan ng dalawa.

"kung sakaling aalis ka," wika ni pao.  "kung sakaling napagdesisyunan mo na talagang nais mong mangibang bansa, sabihin mo kaagad sa akin ha.  nang sa gayon ay titigilan ko na ang umasa."

patlang pa rin.

hinawakan ni may ang kamay ni pao at sumandal sa balikat ng lalaki.

"baby mahal na mahal kita.  wag kang bibitiw ah," ani may.

"hinding-hindi mahal ko," sagot ni pao.  "wag ka lang aalis sa tabi ko at hindi kita bibitawan," bulong niya sa sarili.

This entry was posted on Monday, February 19th, 2007 at 9:52 pm and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.